Бул — сиз белгилүү бир мөөнөткө банкка салып койгон акчаңыз. Акчаңыз сакталып гана тим болбостон, үстүнө кошумча киреше да алып келет.
Simbank'тагы депозиттер кантип корголгон?
Бардык депозиттер Кыргыз Республикасынын Депозиттерди коргоо агенттиги тарабынан камсыздандырылган.
Кайсы түрдөгү депозитти ачсам болот?
Сиз өзүңүзгө ылайыктуу жана эң пайдалуу шарттарды тандап, мөөнөттүү депозит ача аласыз.
Депозит боюнча пайыздар кантип төлөнөт?
Пайыздар күн сайын эсептелет жана сизге ыңгайлуу жол менен Simbank картаңызга түшүрүлөт: депозит ачылган күндөн тартып ай сайын же мөөнөт бүткөндө. Эгер пайызды мөөнөт бүткөндө алсаңыз — кирешеңиз көбүрөөк болот, анткени пайыздык чен жогору.
Депозит мөөнөтү бүткөндөн кийин эмне болот?
Депозит автоматтык түрдө ошол эле мөөнөткө узартылат жана узартуу учурундагы учурдагы пайыздык чен колдонулат.
Депозитти качан ала алам?
Эң көп киреше алуу үчүн депозитти мөөнөтү аяктагандан кийин жана автоузартуудан соң жабуу сунушталат. Бул учурда топтолгон пайыздардын толук суммасын аласыз. Эгер сизге депозитти мөөнөтүнөн мурда жабуу керек болсо — тынчсызданбаңыз, салган акчаңызды аласыз. Бирок сизге бериле турган пайыздардын суммасы азыраак болот.
Депозитти кантип жаап, акчаны алса болот?
Сиз депозитти каалаган убакта онлайн жаап койсоңуз болот. Ал үчүн Simbank тиркемесинде «Жыйымдар» бөлүмүнөн «Депозитти жабуу»ну басыңыз — бир нече секунддан кийин акча картаңызга түшөт.
